BIDAZTI-GIZOZTEA

                        («Caravane», Gautier)

Lurbira zear yoan doa gizoztea,

Sahara zear bezela, biurtuko ez dan

urte-bide barrena. Oiñak egun-garraz

goriturik narrazka; egarriz, besoak

darioten izerdi-tanta edan-naiaz.

Leoia orruka ta ekaitza txistuka.. .

iges dagian odei-ertzak etxerikan

ez du azaltzen: ustel-usaia darion

sarraskiaren billa, ortzi zear doan

saiak dagin itzala besterik ez egon.

Eten gabe diyoaz, ta, ara! musker diran

nekostak beatz luzez bai-darakuskite...!

Aldi-lur-lekaroan atseden artzeko

ezarri ditu Yaunak illerri-oasik...

Bidazti nekatua! etzan adi ta lo... !

1928

© Iokin Zaitegi