LORETI BASERRITARRAREN LILLURA

 

                        (Wordsworth'en antzera)

 

Goiznabarra sortu da,

ta «Amara» ertzean

birigarroa abesten,

kaiola erdian:

Ara dator Loreti,

ta goiz ixillean,

aren txorrotxiotxi

dantzu poz betean.

 

Zer du biotz-pizgarri?

Badakus basoa,

beraren tontorrean

zutunik pagoa:

«Galtzara goi» barrena

uxarka lañoa,

ta Ayete'ko Jarretan

ibaia arin doa.

 

Arruetan larrea

dakus neskak zurbil:

bertan sarri igaro zan,

esnez suilla pil-pil.

Usategia iduri,

basetxea du urbil:

an bizi da lurrean

maitenik dun mutil.

 

Atsegin-bitsetan du

beraren biotza...

Orra! itzal da beingoan

iduripen utsa:

goiz-laño ta basoa,

ibai ta zugatza...

Betikotu al ba zun

alako ametsa!

 

San Salvador, 1943

 

 

 

© Iokin Zaitegi

 


www.susa-literatura.eus