EGUN EURITSUA
(«The rainy day» Longfellow)
Egun itun, goibel, otza:
Euria da ta aize beltza:
Erroiztutako orman matsondoa zintzil,
aizeak orbelak daramazki bipil,
ta eguna da itun, goibel ta otzakil.
Otz, goibela dut bizitza:
euria da ta aize beltza:
nere igaz-aldian oldozpenak zintzil,
aizeak ametsak daramazki bipil,
ta nere eguna itun, goibel ta otzakil.
Zut iraun, ene biotza!
Aitu ezak negar-otsa!
Laño ostean dirdaiz eguzkia dabil:
euria guziok yasan bear ixil:
zenbait egun bear dira itun, otzakil.
San Salvador, 1943
© Iokin Zaitegi