EGUNABARRA
(«Daybreak», Longfellow)
Itxaso gaindi zear aizea yaiki zan:
«Ur-laño orrek, egidak toki», esan zuan.
Deadar egin zuan ontzik agurtuta:
«Yaso oiallak, mutillak, gaua yoan da-ta».
Lurralderuntz leiatu ei zan garraxika:
«Iratzarri zaite, goiz-egun argi bai-da».
Basoari zirautson : «Zurrumurru egik,
ikurrin zarbatsua zabal zibuturik».
Ego toleztuetan txoriari ikutu
ta esan zion: «Txori oi, itzarri ta abestu».
Ukulluan esan zuan: «Ollarra, turuta
yo zak, egun-argia bertan zetork-eta».
Marmarka esan zuan arto soroetan:
«Makurtu goizearen otsa entzutean».
Deadar egin zuan yoaltegi goitik:
«Iratzarri yoale, ordua yo egik».
Alaka illerri zear yun-ta esan zuan:
«Zuek oraindik ez... lo eizue bakean».
Oña'n (España)
© Iokin Zaitegi