GEZIA TA ABESTIA
(«The Arrow and the Song», Longfellow)
Aize barna gezi bat
yaurti nuen ariña:
lurrera erori zan,
noratsu ez yakin.
Pirrikan egaturik,
alde zuen egin:
eta begi zabalak
ari yarrai ezin.
Aize barna abesti bat
adiakatu nun:
lurrera erori zan,
iñork ez yakin nun.
Aren egakaldia
yarraituko al dun
begi zorrotz-sendorik
izango ote da iñun?
Urte luze ondoren,
gezia arki nuan,
osorik oraindio,
aritz-enborrean.
Ta itzez itz, abestia
berriz arki nuan,
adiskide min baten
biotz-barrenean.
San Salvador, 1943
© Iokin Zaitegi