OLERKARIA MENDIRIK MENDI
Pago orritsu eta lodiek dagiten
itzal goxo ozkirri zear nabil pozik,
Yainkoaren abots deuna entzun-nairik,
itz on gizonei azaltzeko.
Ibai-ertzean ur-azala begira
auzpez belauniko nakuzuenean,
lañoak uretan idazten dituan
lerroak ari naiz irakurtzen.
Lore usaitsuenak biltzen aritzean,
ez uste aldia lorrintzen dedala:
nire oldozpenak ezin yaso-ala,
txorta eder on dakuskezu.
Soro zabalean galburu mardulak
biltzen amaitzean lugin orrek pozez,
gurdia galandiz gañezka negarrez,
daramazu idi sendoekin.
Baña, baita beste galburu batzuek
baziraden zure landa ederrean,
eta nire bertso-berri maxkaletan
neretu dizkitzut maitasunez.
Merida (Venezuela)
© Iokin Zaitegi