NEGARRAREN ATSEDENA
Gazte lerden ori! Zergatik ago illun?
Udaberria duk! Zelai-ibarrak lorez,
zugaitzak txioaz, biotzak su-garrez
gañezka bai-zeudek. I, berriz, begi-itun...
Bai! Illun eta goibel zeukat arpegia...
Arantza zorrotza biotzean zegok.
Bearrikan, negar malko eztitsuok
lasaitu oi ziek biotzen larria.
Ire adiskide zoriontsuenak
an... ire zai! «Ator yolas egitera...
zer galdu duk? Esan! Eta biotzera
poza ekarriko dik irri-parreak».
Zuen otsak nire beldurra aizkatzen...
Galdu, ez, ezertxo ere etzaidak egin.
Baña, zer-edo-zer nai diat neurekin...
Zorion izango, badiat irixten.
Ez adi larritu. Ez agoke naste.
Adiskide miñak, ara! iri begira.
eukin yarduteko enparantzan dira.
Ots! Irea izango, mutil odol-gazte.
Ez! Iñoiz ez diat nireganatuko.
Nik gura dudana benetan eziña.
Zeruko izar on bezain atsegiña.
Ez! Iñoiz ez diat biotzeratuko.
Iñoiz, iñork ez dik euki gura izarrik.
Izarren argitan maitale taldeak
ibarreko bide barrena zebiltzak.. .
ori ezik iñork ez dik nai besterik.
Udako gau eder zoragarrietan
nerau sarri gora begira egon nauk...
Biotza atsegiñez gañezka bete duk...
Beraz, utz ezadak negar ein dagidan...
Merida (Venezuela)
© Iokin Zaitegi