GOGO-NAIAK
Aize leun ozkirriak xuspertuko al nau
nire basetxearen atzekalde ixillan,
abeslari ari dan iturri ertzean,
lizarren itzalpean lasai yezarrita.
Zorion-ikutua txastatuko al dut,
oroldiz yositako iturri ertzetik,
nire lagunak edan zuen iturritik
ardo txuri goxoa edateko orduan.
Urrumaka ariko al dira pagusoak
zurezko esiaren ertzeko sasian.
Loren irin-mamia biltzen ari diran
erlen susmurrak loa ekarriko al dit.
Aize-ego ariñetan goiko aitzetatik
aizkoraren otsakin batera abestiak,
antxiako abesti zar zoragarriak,
bidaliko al dizkit egurgin sendoek.
Bitartean... an dator bero sargorian
uztarriaz nekatu ondoren idia,
eta aruntz-onuntz ari oi dan artaldia,
itzal maitagarria billatu gurariz.
Merida (Venezuela)
© Iokin Zaitegi