UDABERRIZ NEGU
Mara-mara elurra...
Dana zeg,on zuri:
elurpean alorra
ta arbik ez ageri.
Ez nun ikusten lurbel
mendi-basoraño:
zerua ere goibel
ta inguruan laño.
Gu ezkiñan, ordea,
giroaren beldur:
suz gaiñezka barnea,
bai-genun maite-egur.
Neguz, baso ixil zear
biok giñoazen:
zugatz makurrak, bakar,
poza ezin eten.
Gezaldurik da izotza...
irri-zuri ibarra:
maite-miñez biotza
dabil artzai zarra.
Gaur, beraz, udaberri!
Enarak nire gain...
Gogora zure berri
eta itun nago orain.
Marneffe (Belgique)
© Iokin Zaitegi