ETXEGARAI'TAR KARMELO YAUNARI

                        (Azpeitiar euskeltzale-abertzaleak

                        Gernikan Etxegarai'tar Karmel Y.'ren

                        illobian abesteko olerkia).

Gora eta gora Karmelo yatorra!

Gora azpeitiarrik sendo-zintzoena!

Seaska-erriaz, zerorren izena

erriz-erri beti yoan bedi.

Zuk, ba, zure idaztiz euskeldun-erria

biotzez goratu ta argitu zenuan.

Lan zail oien ordez eusko-arizpean

lo egingo dezu betirako.

Aritz onen kimu gaztea Azpeiti'n da [1]

Zure gogoa da... Gure maitasunaz,

gure biotz eta odolaren garraz,

pizkortuko degu urtume ori.

Gora eta gora Karmelo yatorra!

Gora azpeitiarrik sendo-zintzoena!

Seaska-erriaz zerorren izena

erriz-erri beti yoan bedi.

Oña'n

        [1] Azpeiti'ko enparantza txikarrean Gernika'ko Aritz sendo, zindo ta deunaren kimu gaztea  zutik ikusi dezakezu, irakurle.

© Iokin Zaitegi