GABON-ABESTIA
(Bergara'n abesteko egiña)
Endorearen baimenaz
ta Yainkoaren laguntzaz
etorri gatoz berriztatzera
euskal-oiturak euskeraz.
San Martin gure-gurea,
umetan baba-lorea:
euskal-ekandu zarrak gogoan,
berak be egin zun eskea.
Usoa doa otara,
zure begiak lotara,
oraintxe goaz, etxeko yauna,
Yosu'ren bertsoetara.
Oillarrak yo du gabean,
aingeru onak zeruan:
«Yaio da Yosu Yauna Belen'en...
aintza ta gentza lurrean!»
Eder soroan aitxurra,
goiko mendian elurra:
auzo ertzeko ikullu-askan
agiri da Yosu aurra.
Errekartean arria,
aren gañean txoria:
erastun baten sartu liteke
Yosu aurraren gerria.
Txio-txio zoritxarra,
negutxorien negarra:
on omen zan ikullu askan
Yosu'ren alabearra.
Eskupeko bat mesedez,
negarrok arindu naiez.
Eskerrik asko ta gabon onak
nai dizkitzuet biotzez.
Marneffe (Belgique)
© Iokin Zaitegi