ENARA ABESTEN
Itsaso aldetik, itsaso zuritik
enara liraiña guregana dator.
Itsaso zuritik egazka datorren
enara, ortzian abesten ari da:
«Ez nauk elur
ire beldur».
Artoa ereiten ari da lugia:
«Aida, gorri! Yeurt! Au giro pozgarria».
Artzaia basora doa artaldeakin,
egazka enarak abesten du ingurun:
«Ez nauk elur
ire beldur».
Zugaitz-orri-miña lertzen ari bai-da.
Lore oriz yantzi da ota leorra.
Udaberri-usai goxoa mendian...
Abesten ari da enara liraiña:
«Ez nauk elur
ire beldur».
Merida (Venezuela)
© Iokin Zaitegi