ESNE-BEIA
(Loyola ibarreko «Ormaetxe» basetxean
edan nun errobero goxoaren ordaiñez).
Nire ibar belartsu-zokotik datorren
arran-ots alaia entzun dut atetik.
Larra moztu-ala yaten ari aizen
nire bei mardul oi, biotzez maite aut!
Arat-onat isats luzea iarrosiz,
erro-zain lodia diz-diz ikaraka,
burua zut, urrats geldi etortzen aiz,
errape azia zimur dezaiadan.
Eskuz oratuta bi erroetatik,
zaragi bizia bezela lauskituz,
esnea ereika yarion-azirik,
kaiku-ertz goraño aparrak igo du.
(Esne koipetsu ta txuria nai dunak
bitatik batean obe izango ditu
atzekalde aztun ta zabalekoak,
atzekalde arin-estukoak baño).
Ta ire buru txikar on yasotzean,
an... ! itzal eitean betazal andiak,
islara, begitzar biribil gelditan
mendi-baso orleia, zeru urdiña dager...
Merida (Venezuela)
© Iokin Zaitegi