NERE BURUAREN ARRIABARRA
Beñola, enbor sendo ta buru zabala
goruntz nekartzin zugaitz tantaia bai-nintzan.
Itzalpe ozkirria eskei oi nien
itari nekatuei biago-garaian.
Gaurkoan, berriz, andu-motz, erro irotua
baizik ez naiz. Irureun urte epean bizi
ta ber-bertan ekaitzek adar orritsuak
ausi eta tximistak enborra erdibi...
Kemiñak artutako sutondo alaian
aitonak berotuaz nere subilla austu
ta nere buruaren atalik,onenak
ke mordotan zerurantz ner'aurkez igo du.
Goruntz naiaz zumoak biotza ukitu dit.
Nere ondoko saltar gazteak gañezka
lore-txoriz: maitale bikoitzak iduri,
ingumak egazean udaberri deika.
Ara! agure akitu eta urratu oni
orri mengelen kimak anduan ernetzen...
Alare, biziaren minkaitza irents bear!
Nere erauzi-atalen negarrez izanen... !
Izan ere zugatzaz etsienik ez da:
ebakia izan-arren, aldaskak bizirik,
ta sustraia lurpean ur-usaiz erneta
adarrak berrituren, ostoz yantzirik.
Marneffe (Belgique)
© Iokin Zaitegi