EUSKEL-GORULARIA IXILDU DA
Itxaso-ertzean yauregi zar bat zan.
Urrendik, euzkiren yauregi argia,
urrundikan, itxas-txorien abia
edo artizarra zirudian.
An... itxas-aldeko areto erdian
iruten ari zan euskel-irulea.
Len bere begiak liñuen lorea
bezainbat urdiñak omen ziran.
Eguzki-argitan ta illargi-argitan
eiotzen ari zan eskontza-yantzia.
Aren abestia zein zoragarria!
Oi! zeñen lirain ta ederra zan.
Itxaso zabala nare-bai-narerik!
Itxaso-kaiua egazka zetorran
ta arrantzara doan itxas-ontzi-agan
abestia aditzen koka ixillik.
Ontzi txikarrean zioan gaztia,
itxaso ertzeko etxe-yauregira,
aitzei begirake, goruntza begira,
entzun-naiean zan eresia.
Bitartean, itxas-olatu maltzurrak
gazte ta ontzia irentsi zituan.
iñoiz ez zan yakin aien berririkan...
Orixe egin ei zun iruleak.
Orain, berriz, begi aiek, zorixarrez,
illun omen dira gau ta egunetan...
Betazal aundien itzalpe barruan,
artizarra odei beltzetan lez.
Ita eta irra urrezko goruan
neskatil liraiña iruten ari da.
Ezarri linaian kirru-ari latza
ta biltzen du zuri-mea ardatzan.
Orain, baña, ezer ez ei du abesten.
Inguru danean olatu-orruak
eta auntzen txintxarri-ots geldi-motelak
besterikan ez oi dira aditzen.
Merida (Venezuela)
© Iokin Zaitegi