YAUNGOIKOAREN YAURERRIKO ALTXORRA

Ibilli eta Ibilli,

arki dut altxorra.

Yo ezak, etenbage,

sutarri mokorra:

barnez bai-du aada

urre dizdizkorra:

mamia ale bikaña,

azala gogorra.

Beste aberaskiak

ludian barrena,

pitxi onen aldean

utsaren urrena:

erriz, bidez, mendiz,

zure aztarrena

gau ta egun billa dut

nere amets lena.

Bidearen luzea,

zugana eltzeko.

Oiñatzik ez ageri

bertan, aspaldiko.

Bakar-bakarrik ziñan,

zorion oneko;

ene baitan gorderik

baitzaitut betiko.

Ondalan-aitzurrean

odola yario

eskuak: gora ditut

besadar ario:

nere gain izar euri

yasak daragio

ta argiz.bestelakotu

nauzu, orraitio!

San Salvador'en

© Iokin Zaitegi