ATZERRI ZEAR
Oinpean zugaitzez yositako oiana!
An...! goiko-aldean, ortzi izartsuena.. .
Eta aurre-atzean, gura dudan dana...
Ala ta ere ezin etsi atzerrian!
Itxaso gañetik, aizen egoetan,
neu-gogo ibilkoia doa egazean.
Bein baten Euskadi ederrean nintzan...
Bertan aritz mardul deuna zutunik zan.
Lorak aruntz-onuntz aritz itzalpean...
Aritz-abarra andik aide egitekoan,
Nere ama samur onak eman zidan.
Ma maitea eiaz, «Maite aut» ziraustan.
Yoan bearra izan nuan aberritik!
Aritz-peko nire lorak ordudanik
izango ote du nire oroipenik? .. .
Merida (Venezuela)
© Iokin Zaitegi