BETI SAMIÑEZ

 

           Mendi-ibarren

           Gañetikan

           Eguzkiak

           Argi dagi.

           Eta atzo lez,

           Egun berdin,

Musu egitean lenengo izpiak

Barruko samiña iratzarri zidak.

 

           Gabaz ere,

           Inguruan

           Amets txarrak...

           Bela beltzak

           Egazean

           Eten bage...

Ta beti samiñez bizi nauk lurrean

Arantz-narra sartu ezkero biotzean.

 

           Ara... An ziak

           Itxas-zear

           Itxas-ontzi

           Bakartia,

           Aizoiala

           Zabaldurik.

Ala ere nire barruko samiñak

Neurekin yarraitzen omen nai gaizkiak.

 

           Yaia da-ta,

           Nire yantzi

           Apañenaz

           Yantziko nauk.

           Nire biotz

           Sakoneko

Arantz zorrotzaren biotz-min latz ori

Erakutsiko ez diot nik iñori.

 

Merida (Venezuela)

 

 

 

© Iokin Zaitegi

 


www.susa-literatura.eus