NEGUA AUÑEMENDI ALDEAN

                        (Kanpion eusko-idazlearen ipuin batean

                        aurkitu dut olerki onen gaia).

Ipar-aize beltzak orru egin zuan,

barrutia apurtu duan zezenak lez.

Gero ibaiak-yosi ziraden izotzez.. .

Pagoak elurra yaso-eziñikan.

Urrundikan... mendi txuri goietatik

bi-edo-iru oiu bildurgarri datoz...

Aize-yasa eta oiartzuna dagoz

erantzuten gogor inguruetatik.

Oianeko arru ta amiltegitatik,

usu ta arin gorantz ta gorantz diyoaz

elur txuri izpiak, egaz eta egaz...

Ta artzai-neskak dio basetxe-atetik:

«Ibarreko uso txuriak egazka,

«Elkorretan» gosez oi dan Gartxoteri,

olerkari mardul bezain gaixoari,

yanari txuria gogoz eskeintzeka».. .

Caracas (Venezuela)

© Iokin Zaitegi