ITSASO ZABALEAN

 

Itsaso zear arin diyoa ontzia.

Nire burua ikusten dut itxas-uretan.

Egazka doaz laño narraxak an goian...

Eta itsaso barruan nabari ortzia.

 

Ortzi garbi zear lez, eramaten oi nau

itsaso zabaleko ur geldi-eziñetan

nire ontziak. Eta an dager itsasoan...

lañoak illargia eskutatzen ba'du.

 

An ageri da illargin irudi leiarra,

ur garbi garden zear, itsaso barruan...

Orrelaxe ikusten dut nire biotzean

nire maiteñoaren irudi ederra...

 

Merida (Venezuela)

 

 

 

© Iokin Zaitegi

 


www.susa-literatura.eus