GAZTEAREN ERIOTZA

 

Il aiz ta ez dakik... Baña, egia duk!

Ire begi oien argi-izpia itzali

ta ire ezpain gorriok marguldurik dituk,

ta benetan il aiz, gazte maite ori.

 

Lore samurra intzan zimeldutzekoan...

Tximeletak lore zurienari lez,

neskatil liraiñak musu egitean,

oroi-arra barnen utzi zoritxarrez.

 

Ordutik bost bidar udazken-aizeak

zugaitzen orriak aldatu bai-ditu.

Biotz barru dana ar beltzak yana daukak

ta arpegiz mardula lagunei iruditu.

 

Il aiz ta ez dakik! Baña, egia duk.

Ire begi oien argi-izpia itzali,

ta ire ezpain gorriok marguldurik dituk,

ta benetan il aiz, gazte maite ori.

 

Urtxindor maitea txioka negarrez,

illobiruntza neuk eramatekoan,

ta zeruko izarrak begira samiñez

illargi-argitan lurra ematean.

 

Caracas (Venezuela)

 

 

 

© Iokin Zaitegi

 


www.susa-literatura.eus