CUM SENUERIS...

                        (Irure euskel-idazleari biotzez)

Aldatz gora, oin arin,

intzalarik mutil:

gaur, lagun dituk, samin

eta agure-makil.

Begi-itsu, belarri gor,

inguruan itzal:

barnean pakea sor

ta eg,oak,zabal.

Ez begiratu zaputz

illobi otzari:

oroigai eztiak utz

azken urrenari.

Gau-bidaztiei antzo,

lurbira itzaltzean,

zeru deuna agertuko

zartzaro narean.

Ixilla areagotzen

ta ik ez dantzuk ezer.

Begik illunagotzen...

Lauso Yainkok eder.

Ille zurituz-elur;

egurats bakanduz

arnaska oa, makur,

erpiña burutuz.

Marneffe (Belgique)

© Iokin Zaitegi