YESUKISTO YAUNARI

 

Negu otz ondoren udaberri dator:

ingurun zugaitzak blei-blei lore txoriz.

Nire baratzeko pikondoak, berriz,

osto-berririk ez eta adarrak legor.

 

Etzazu ebaki, ene Yainko, arren!

Beranteguzkiak, ausaz, loratuko

ta ale badakarke udazkenerako.

Itxoizu laburki, buru-buru, aurten.

 

Nire pikondoren ardura izan duzu

amail a urteotan! Lurrean alperrik

dagola ez esan. Oraingoz ez etsi.

 

ltxaron: ingurun atxurtzeko nauzu:

garbai-malkoz busti eta zimaurturik,

ale ekarriko du. Yabe, ez berantetsi.

 

Marneffe (Belgique)

 

 

 

© Iokin Zaitegi

 


www.susa-literatura.eus