AUÑEMENDI'KO LOREA
Artizar ederra antzo dizdizka ageri da
Auñemendi gañeko malkor ta aitz artean,
oroldiz ta elurrez inguraturikan,
iñork ikusi duan lore liraena.
Aizetxo ozkirriaren ikutu goxoak
pa xuspergarririk ez oi dagio oraindik.
Arkaitz txit zutiaren arpegi gañetik
lorerik ederrena dager irri-parrez.
Baserritarrarentzat zoritxarra oi dun
urtu ezin dan elur eta izotz artean,
aitz aundien artean, lo goxo betean,
zorion ixilla lez erne da lorea.
Zoriontsua, ziñez, elurrez ta izotzez
inguraturik-arren, eskutuan duna
biotzaren barnean lore kutunena,
bizitzako xoritxar latzen aringarri.
Merida (Venezuela)
© Iokin Zaitegi