GAUEZ
Nire inguruan gau illun;
goiz da oraindio.
Izarrak dirdai urrun,
zirrinta yario.
Egon-ezin bai-nabil
Yainko-mintzoren sur.
Gogo-asmamenak bil,
nagon belarri zur.
Ipurtargik izar-min,
gauak goiznabar-nai,
ta gogoa lerregin
arrotza atseden zai.
Badator illargia,
naigabek urrunduz;
aren izpi yoria
samin ixilla urtuz.
Gentza-aize ozkirri sor
ta argi-ontziz dakar
urre-iratxo ameskor,
zeru-itsaso zear.
Bizi-arnas otsik ez,
argiak itzalik,
nire biotza, miñez,
ixilla ausi nairik.
Gauaren ixil samur!
Bakar-miña lur-gain!
Oianak buru-makur,
ixil, Yaunaren zain!
Marneffe (Belgique)
© Iokin Zaitegi