ZORION BETEA

Krabeliñez beteta,

badakust leioa:

aien tarte egoteko

izan nun gogoa.

Agertu-ala sartu

neskaren aoa,

ta burura zitzaidan

krabelin-ostoa.

Besoak gora zitun

lotzeko mototsa:

pozaren pozez daukat

gañezka biotza:

iduri zun neskatxak

urontzi arrotza:

ene amets-kabian

dut zorion-otsa.

Ortik aide egin-arren,

t'ez izan nerea,

maiteko aunat, noski,

neskatil maitea

ire leio azpian

zorion betea

arkitu bai-nian bein,

lor-miñez asea.

© Iokin Zaitegi