NIRE BARNEKO SATORRARENA
Barrenez zulo-giñan
ari dut satorra:
eten gabe diardu
arrotuz alorra.
An-or-emen ikusi
sator lur tontorra.
Aldi bateko badut
biotzean lorra!
Goiz arrats eguerdiz,
aitzurra ao-gora,
aren zai gertu nauzu
begira sorora:
intxusa-adarrak-arren,
badator gaingora:
aitzurkada bat eman,
ta nagon gogora.
Sator il ustelaren
usai txar kiratsa!
Makilla baten puntan
dut aren isatsa.
Noan aurrerantzean,
pakerik urratsa:
biotzean ixuri
eurrez zeru-atsa.
Goteuna dut usai on,
satorra il ondoren
orren ederrak Yainkoa
ari du birsortzen.
Zeru-atsonak gogo
edertzenago omen:
bere usaiari esker
larrosak zoratzen.
Marneffe (Belgique)
© Iokin Zaitegi