GOGO

Gogo,ori! Zergatik igesi diardun

baso beltzak barna, Yesu'gandik urrun?

Amaren billa ari oi dan antxumea

iduri den, izuz, galduta bidea.

Udaberri aizez zugaitz-orrik txor-txor,

musker oriegia sasipera dator;

ta antxumien belaun izutiak dar-dar,

barrenez biotza taup-taupaka dakar.

Yesu atzean den, zeruko zakurra;

ez aun ozkatuko-ta, uxatu beldurra!

koxkortuxe bai aiz, utzi ama noizpait,

ta Yesu'ren lagun ez izango gogait.

Panama

© Iokin Zaitegi