ERREKARI BEGIRA
Etengabe laisterka oan ibai garden,
zutik nauk ire ertzean gogai au ausnartzen:
nondik ator adats-eder?
nora oa bide -oker?
«Aitz illunen barnetik etorri oi nator;
oroldi lezka tarte zear noa pizkor:
aurra iduri nauzu xalo,
zumadi itzalean urlo.
Ertzez-ertz dago lore nire sur maite-min,
nire aurrez txortena geldi egon-ezin.
Baranoan abeslari,
urretxindor moko-zuri.
Galburuak kulunka dagi marmar bigun:
puez, zeruak izar, oi dit ixillik mun:
nire barnez dirdaika izar,
argi-lorek maitez dardar.
Nerau, berriz, alaiki aurrerantza noa;
aitzetatik atera niñunak naroa;
nire eskuko ez dut egon
nai; aren peko zorion».
Neuk ere, ire antzera, badiat elburu;
nagon zurt, nire etsaia baitabil inguru:
ire irakaskizun ordez,
eskerrik asko biotzez.
Marneffe (Belgique)
© Iokin Zaitegi