AMETS URDIN

 

Noizik bein, ametsetan,

ugarte-bakaldun

naizela oi dirudit,

aberritik urrun.

 

Orrobia-itsasoan,

illargiak dirdai:

gauak garden, atxonez

ematen du aznai.

 

Suarrosto usaitan,

eguratsa loa;

baso ertza mizkatzen

ari da itsasoa.

 

Eskudel gain etzanik,

ametsetan sorgor;

nire biotz barnera

atsegiña dator.

 

Artean, illargitan

argiune barna

nire adiskidea

dabil arat-ona.

 

Ta palmondo itzalpean

bera ba'da, leoi

bat, beraren inguru

datza eskurakoi.

 

Marneffe (Belgique)

 

 

 

© Iokin Zaitegi

 


www.susa-literatura.eus