ZEUKIN NAIERAZ YOANGO
(Yon Mirena nire anaiak, bere eztei-egunez,
emazteari esana. Ezkonberrioi eskeintzen diet).
Ezautzen dezu, maite,
sagastiko itzala?
Orripean sagarrak
gorri du azala.
Zugaitzan dingilizka
da kabi zabala:
bi txori mutur-luze
nabari, igo-ala.
Aurreko zelaiaren
erditik barrena
ibaia marmarika
irulearena:
uretan illargiak
irudi gardena,
eta sagarrondoak
bere igali lena.
Zugaitzaren kimuan
txoriak abesten
eskualde ontara
etorri nai al den?
Nun danentz? Ara! an... Zeukin
naieraz yoanen.
Neroni yarrai-gogoz
lokarriok eten.
Goiko mendian dizut
nire basetxea:
untzorri leporaño
du, ene maitea.
Aizeak yo bageko
baso aubea
ingurun: bertan beiak
badute larrea.
Eguzkia sortzean
zut ezarri zaite:
naiko zait zure itzalak
betetzen dun tarte:
eskuz artu-eziña
amets baida, gazte.
Lur puska on bedi
dure zori bete.
Oroldiz yositako
iturrik esaten:
eskualde ontara
etorri nai al den?
Nun danentz? Ara! An... Zeukin
naieraz yoanen.
Neroni yarrai-gogoz
lokarriok eten.
Marneffe (Belgique)
© Iokin Zaitegi