AEQUAM MEMENTO REBUS IN ARDUIS...
Zoritxar zailletan gogo barez yardun
ta zorionean ere txoratuke
atsegin-neurria zaitu zak, aiskide,
erio-eguna etorriko zaik-ta.
Naiz betillun bizi bizialdi oro,
naiz ibar txokoan etzanik, atsegiñez,
yai egunetan lez, Falerni'ko ardoz
zintzurria busti, neurri on zaitu.
An... piñu luzeak ta zumartxuriak
beren adar-orriz itzal ozkirria
eskei ta ibaia zearka zioak
igesi-nai miñez eta txirrioan.
Ara ardo-zatoak eta usai goxoak
eta lasterregi zimeldu oi diran
larrosa liraiñak ekarri-erazi!
Gazte izaki, bizi-euna dukan arte.
© Iokin Zaitegi