O NAVIS REFERENT...

Ene ontzi ori! Berriz itxasorantz

eramango aute olatu berriak.

       Ene! Zertan ari aiz ba?

       Ditxoari gogor eutsi!

Ara! arraun-uts eta ego-aize beltzak

ausi-endaitza duk! Ardatz-negarra ez

       dantzuk ala? Lokarrike

       nola yasan erauntsia?

Zapi osorik ez, ekaitzak berriro

atxikitzean, ots eiteko Yainkoik ez.

       Alperrik goietsiko duk

       eure izen aipatua.

Naiz izan ler-zurez baso ospetsu seme,

txopa irudietan bidazti beldurtik

       ez ditxaro. Begira! aizeen

       parregarri nai ez baduk.

Len oñaze samin, orain kezka lard

zaikidan orrek! Or-emenka ugartez

       yositako Zikladaen

       itxasotik iges egik.

© Iokin Zaitegi