«QUO, QUO SCELESTI RUITIS?»

                        (Epodon: 7'garren olerkia)

Noruntz amiltzen, noruntz deungeok?

zergatik eskuratu zorrotik ezpatok?

Latiñu odol aski ez al da

oindik ixuri itsasoz ta legorrez barna?

Beingoz Kartagu bekaiztiaren

esi arroak erre-nairik ez izanen!

Ez, bide deunez, billurtutako

Britanu basatia yetxi erazteko.

Bai, baña, Partar naiaren arauz

ondatu dedin Uri au beronen eskuz.

Ori otso ta leoiak ere ez;

ta egitekoz, kide etziran aberez.

Aserre bizik zoratu ote?

Erantzun! Erruz, ala-bearrez zoazte?

Ixillik daude: arpegi margul

nabari dira, gogo-txundioaz mintzul.

Ala duk: zori latzak bultzatzen

erromarra eta anai-eriok aizkatzen.

Billobentzako ertungarria

Remu errugearen odol ixuria.

© Iokin Zaitegi