LAN EGIK
(Pompa'ren antzera)
Eten bage lan egik, gazte txit sendoa!
Beste iñoren aurrean ez da gorrituko,
ta etsaien aurrean ez da apaletsiko
izerdiz bustitako bekoki zindoa.
Lanean diarduten buruak urtien
elurrez beluago zurituko dira.
Mardulak dira oiek, aritzen antzera,
ta biotzak ez ditu lokatzak zikintzen.
Lan zaillez irabazi oi dan otondoa
yatean, ta inguruan danean sendia,
erleak lora artean dagian eztia
ere ez ei da izan orren eztitsu goxoa.
Ogi on yaten ba-duk, zoriontsua,
izango bai-aiz eure buruaren yabe:
alperkeriz, baña, lan bearrik eiteke,
iñoren morroi izango aiz, gixagaixua.
1932, Merida (Venezuela)
© Iokin Zaitegi