ANBOTO'KO SORGIÑA
Anboto'ko sorgiña!
lotan nengonean
zure adats ederren
ille kizkurpean,
eresi ederrena
abestu zenuan
mendi gorri gañetik
baso zoratuan.
Bakaldunen antzeko
urrezko makilla
zure eskutik yaso nun,
sari biribilla.
Ametsetan niardun
mutiko bipilla,
ta eguzki beti yai
eldu nere billa.
Dana ametsetan ei zan!
eresi ederra
eta urrezko makilla.. .
lillura alperra!
Geroz, eresi bera
entzun nairik, aurra
iduri, mendiz nabil,
begitan nigarra.
Guatemala'n, 1945
© Iokin Zaitegi