KILKERRAREN OTSETARA
Udako eguerdiz, sargori miñean,
iguzkiak, gingan, dario su ta gar;
etxe inguruetako zelai ederrean
kilker txirritien otsa dantzut bakar.
Urrezko dirdaiean, zerua dago oztin;
txoririk ez dabil, artoak soillik zut:
itxaso baretsua, ortzi iduri, urdin,
ta kilkerren beti bateko otsa dantzut.
Munan yarrita nago, bildurik gogoa,
barrenez ixillak bere egoa zabal:
zerau aurrez-aurre bai-zaitut, Yaungoikoa,
otoiean nauzu, auzpezturik apal.
San Salvador
© Iokin Zaitegi