MUTILZAR BATERI

Bertso batzuek jartera noa

bai al dakizue nori?

Berrogei urte neska atzian

dabillen mutilzar bati.

      Neskak ondoti

      igesta beti,

eurak dakie zergaiti,

orrek senartzat artzeko baño

izteko obia dirudi.

Gozotasunik ez dau izango

neure ustez emakumentzat,

onen biotzan maitasun asko

ez da egongo andrientzat;

      neskak onentzat

      burua aunditzat,

gorputza dauke edertzat,

gura izan asko ez dabe eukiko

olango mutilzarrentzat.

Falta dabena billa ibiltia

on da bide zuzena,

ikusten dogu urte askotan

andra billa zabizena;

      gura dozuna

      fiña ta ona

ondo artuko zaituna;

zu baño obia ez da izango

zuri begira dagona.

Toki askotan emazte billa

jo izan dozu atia,

patxadazkoa izan baziñan

topauko zendun andria;

      orain ordia

      zuri alabia

nok dauka emon guria?

Belu dabizen gau-txoriari

bat be emon ez da bakia.

Bai dakizue zelangoa dan

mutil zarraren gogoa?

Zartzarorako aurreratzia

dotia edo dirua;

      orren burua

      ez dok leloa,

ederra dauken asmua,

erretirotzat seguru dauke

erriko kanposantua.

                        (1959, Abenduak 5)

© Balendin Enbeita