GABON-GABA

Jose Nazareteko,

Jerusalengo Miren,

ostatu billa dabiz

biak gaur Belenen.

«Ez dago ostaturik!»

dautsa erantzuten,

eta sartuten dira

estalpe zar baten,

txiro ta ezer gabe

Gabon izan arren.

Txiro ta ixilik da

Belengo askatxoa,

ta bertan jaio biar

Jesus Jaungoikoa;

emon daiogun pozez

ostatu beroa,

geure biotz barruko

maitasun sutsua;

ordez emongo dausku

betiko zerua.

Entzun Gabonetako

Jesusen bertsoak,

diralako Belendik

bidaldurikoak;

neba, arreba, senide,

sendi-gurasoak,

Gabon eta Urte barri

zorionekoak,

danoi eskintzen dauskuz

Jesus umetxoak.

Etzaitezte aspertu

nire bertsoakin,

diralako egiñak

maitasunarekin;

eurak diñoena ondo

ikasi ta egin,

Belen maite dagigun

gogo, biotz ta adin,

pozez bizi gaitezan

Sendi Deunarekin.

© Balendin Enbeita