Lauaxeta gogoan
BERNARDO ATXAGA
Etiopia, 1978
Lauaxeta gogoan eta begien omenez
bi haur hil-ditugu-gaur
(hil hil hurra!)
eta itsasoak eta panterak persekutatzen
bete ditugu geure azken mendeak
(urte oro zenbait arrats)
Lauaxeta gogoan eta begien omenez
fortunaren karroza beltza erre ondoren
(Urtsuara abiatu gara)
Urtsuan titiak
ebaki dizkiogu Lantainako alabari
(bi heriotz fruitu bailiren)
eta Lauaxeta gogoan bi zuhaitz gazte
landatu ditugu haren ninietan
|