Gaxeneko Inesa, Maria Zozaia

eta beste aunitz lamin,

bada bai sorginik

eta izanen oraindik,

eta lilluratuko

lamiazingo errekan kantari

izpillu, orrazi eta irri.

               Sorginak eta lamiak

               hor nonbait dabiltza,

               Zubieta-Itturengo zanpanzarren

               joareen sabeletan

               izkutuan gorderik,

               beldur bait dira aspaldian

               Pierre Lancre, Avellaneda

               eta ondorengoei.

Begizkoa dugu sarturik

itzala galdurik,

itzuliko oraindik

Pierre Lancre eta inkisizioko epailariak,

su eta gar

jo eta kea

sorginkeria errotik garbitzera

erretzera berriz ere ameka sorgin.

Gaurko akelarreak edatu dira eta

ez bakarrik Zugarramurdin,

segituko bai epaiketak

josiak bait gaude sorginkeriz,

eta oraindik ez dugu aurkitu

Axularren itzalik.