III

zuek hil zineten,

atomo,

huts,

huts

bihurtu zineten,

zuek, hil zinetenek,

ezin dezakezue

gehiago sufri

berriz bizi

gizonaren nekea konpreni

zuek zarete

egi-egiaz alaiak

lurpean hezur-mendiak;

gu bizitzaren morroi ta mandatariak.

bizitzak garamatzi

arrastaka bere eskutik

hemen ez dago

ez poz eta ez egunsenti;

beti, gaur eta bihar

kateaz lotuta

bizitzaren bidetik

beti bere atzetik

hemen ez dute balio libertadeek

gizon dirudunek maiztxo

dizkioten legeek

elizaren pakeek.

zuek ez dakizue zer den

betikoan bizitzea

pausa-leku bat ez dugula

egunerokoan jarraitzea

beharrezkoak ez garela sentitzea.

gu,

ezker ala eskuineko

ez gara zoriontsu.

kantu hau

aditzen baduzue ere

ez esna(tu)

ez urrikal(du)

ez naiz

ez gara zoriontsu.

© Mikel Arregi