GALDERARIK EZ

                                «Sua errautsez estaltzeko

                                tenorea heldu da».

                                           Vladimir Holan

Etxeak harrizkoak eta geldirik,

giza abereak ibili badabiltza.

Zergatik, hura eta hau zergatik,

galdetzen dute haurrek

baina ez die inork erantzuten.

Ez dituzte nagusiek galderak maite,

ez eta ere haurrek erantzunak.

Vladimir Holan eta hordiak

guzien aldemenetik iragaiten dira.

Ez galdetu zergatik, ez ihardetsi,

ezen ibili badabiltza.

© Joseba Sarrionandia