ARRATSEKO FADOA

fadoa arratsean

maitaleen begietako malko doratua

ortze urdina itsaso urdina

urdin lausotua

saudadezko fadoa hiri goibelean

marinelen kalatxori mezularia

itsas hegiko krabelin zimeldua

karrikako pinpilipausa eritua

lema sostengatzen duen brisara

sukaldeen tristura

oherik ez dutenen gordelekua

lehor hegi honetara arribatzean

Ulysesek nigar egin zuen

nigarkanta hura arratseko fadoa

© Joseba Sarrionandia