SUSTRAIAK HAN DITUENAK

                                «schwer verlasst

                                was nahe dem ursprung wohnet, den ort».

                                                             Friedrich Hölderlin

Nekez uzten du bere sorterria

sustriak han dituenak.

Nekez uzten du bere lurra zuhaitzak

ez bada abaildu eta oholetan.

Ez du niniak begia uzten

ez bada erroi edo arrubioen mokoetan.

Nekez uzten du gezalak itsasoa

ez hare harriak basamortua.

Ez du liliak udaberria uzten

ez elurrak zuritasuna.

Bere sorterria nekez uzten du

sustraiak han dituenak.

© Joseba Sarrionandia