151 salmoa

 

Herriak (koruan).

              Kanta Jaunari

              lur guztia,

              haren izena

              hain eztia.

 

              Izar batetik bestera,

              itxasoz itxaso,

              galasietan bar-barka

              haren izena.

 

              Jauna kantatu,

              otoitz Jaunari,

              bihotz garbiaz

              kantatu hari.

 

              Gazte aroan Jauna

              maite etzendutenok

              haren izena

              udaberriz

              lohitara jaurti zendutenok,

              ez aipatu Izen hura

              agoni orduan.

 

              Galaxiatik galaxiara,

              xoritik xorira

              haren izena kantari.

              Jaunaren izena

              mailu golpe da,

              lehoi gosetiaren

              orru.

 

              Zuen haragiak jango zituk,

              lurrak

              gizonaren ondakinak bezela.

 

              Kanta Jauna

              loreek eta birjinek:

              Jesus kantatu

              maiteminduek.

 

              Galaxiz galaxi

              xoritik xorira,

              haren hitz denak

              kantu bai dira.

 

              Gari buruak

              piztu ditu,

              lore umilak

              hark esnatu.

 

              Kanta Jaunari

              lur guztia,

              haren izena

              hain eztia.

 

              Kanta anaiok

              kantuz dantza

              Jesusgan dugun

              esperantza.

 

              Kanta Jaunari...

 

 

© Xabier Azurmendi