Mikel Zarateri (1)

Jaubea da Herio geure Mikelen.

Gauezko lo luzean mundura gabe

zerurako bidean igan zarade

begik ez dakusana ikertzen zer den.

Zeure lagun ginenok tristerik gaude,

ez diguzu hangorik esaten ezer,

apez euskaldun zinen, badate eder,

zure hitzak, ordea, mutu dirade.

Umezurtz gara oro gelditu oker,

geure gudu minean borroka biziz,

zure laguntza gabe errumes lander.

Itzala duzu laga oraino garaiz,

triskaturik datorren oihartzun boza,

hanitz luke balio jasoko balitz.

                                (1) Lezamako ilherrian ehortzi baino lehentxoago egileak berak

                                gorpuaren aurrean esana 1979-garreneko apirilaren hamaikan.

© Alfonso Irigoien