Herrian bizi gura dugu

Herrian gara bizi bertan jaiorik,

lurraren eta uraren izatepean,

eguzkipeko ume, atsekabean,

zorionaren bila horren ondorik.

Gura dugu herrian geure habean,

atzerrikora gabe bizitza berriz.

Bortxaturik zertako aldatu herriz

atzerritarrik aski sartuz geurean?

Ifarra ta hegoa ez daude irriz:

ifarrerago ifarrak odolusten du,

atzerrikoz haizeak betetzen berriz.

Herriak bat eginik azkar eusten du,

jaube bakar beurorren egingo gara,

izarrezko diztira erakusten du.

© Alfonso Irigoien