Ertzean

Urgulpetik begira olatu asarrez

otordua eginik aldendu ginen,

txanpanikan ez dugu hartu eginen

esanikan geurorri, ekinik barrez.

Donostiaren aurka deihadarginen

itsasoa zen ari eraso biziz.

Janaritzat ogia t'abar erosiz

familia osoa haraxe ginen.

Geure Bilboko etxera bidean hasiz

oraindikan dirurik zertxobait bazen,

aberats ez izanik odeitik jausiz.

Eskuratzeko nuen, gibelera zen,

egun hartako lanen irabazia.

Zoriontsua, baina, orduan nintzen.

© Alfonso Irigoien