Gailurrean

Aulestiko mendia aitzartekoa,

ermitadun tontorra haizetan dena,

euskaldunek begira jarri zutena,

ohituraz jentilen iturrikoa.

Badu herrian fama, badu izena,

Eufemia da sanda osagilea,

irailez da egiten haren bidea,

ez da hezurrik jaten, mami gizena.

Gerriko mina kentzen duzun legea:

argizari tiratuz ondo bildurik

goian utzi ondorik suaren kea.

Goruntz oinez doana hara heldurik

sendaturikan dago izerdi garbiz,

orain kotxez doana erdi galdurik.

© Alfonso Irigoien